【港股市況】恒指全日收升766點、科指飆6%，大市方向完全玩弄投資者

內地中共中央政治局會議定調要提振地產、消費等領域，提及適時調整優化房地產政策，又未提「房住不炒」字眼，同時又提出要活躍資本市場。恒指全日收升766點，報19434點，成交額達1421億元，創6月16日以來高，一口氣重上萬九關。騰訊 （0700） 、阿里巴巴 （9988） 、美團 （3690） 升逾6%。內房物管大幅反彈，龍湖 （0960） 及碧桂園服務 （6098） 均升超25%。

牛熊證街貨分布圖顯示，投資者對今日市況突然轉好始料不及，在19000至19099點最多新增熊區，昨日新增了579張相對期指張數，今日即成牛軍刀下亡魂。

不過，在18500至18550最近的牛區，昨日減少了1064張相對期指張數，反映好友牛軍亦未必食到日內升幅。

網民意見一覽：

「依家日日都有得賭大細幾過癮呀」

「澳門賭大細咪算，快靚正，橫掂都係想輸」

「大細一鋪鋪計，真係幾粒骰仔跌出嚟，恒指你連睇佢跌出嚟果下都冇」

「口水巿」

「自從covid19之後港股已經冇哂方向，之前都話會跟下NASDAQ/DJI，而家真係唔識睇」